«Раськень ойме» скульптурань фестиваль (Фестиваль скульптур «Душа народная») ЭРЗЯ
Таштамковонь 13-16-це читнестэ Вирь Тавлань эйкакшонь экспериментальной художественной школасо ютавтови «Раськень ойме» финнэнь-угрань раськетнень эпостнэнь коряс ландшафтонь скульптурань I фестиваль-пелькстамо. Мейле кедьчелькев керсицятнень важодевкстнэстэ арсеви теемс «Финно-угорские эпосы» скульптурань парк. Фестивальсэнть-пелькстамосонть ёрокчинь невтеме тердезь Россиянь эрьва кодамо ёнкссто финнэнь-угрань раськетнень кедьчелькев ломантне. Сынь кармить невтеме эсь национальной культураст. Тонавтницятне, конатне сыть мастертнэнь марто, теевить содавиксэкс художественной керсемасонть финнэнь-угрань койтнень-кирдатнень марто. Те мероприятиянть лувсо арсеви ютавтомс «Проблемы развития традиций народной скульптуры в контексте художественного образования» научно-практической конференция. Эйсэнзэ кармить важодеме искусствоведт, Н.П.Огарёв лемсэ МГУ-нь преподавательть ды студентт, художникть, декоративно-прикладной ды раськень искусствань кедьчелькевть ломанть. Фестиваленть лувсо финнэнь-угрань мастертнэнь – пелькстамонь участниктнень марто ютыть мастер-класст.