Прявт таркасо – теологиясь (эрзя)

Мордовиясо высшей духовной образованиянь касомадо-кепетемадо кортасть Саранонь духовной семинариянь попечительской советэнь промкссо. Ледстясынек, пазонь валонь кандыцятнень тонавтнемань таркась панжовсь 2017-це иестэ. “Седе, косо кармить тонавтнеме пазонь валонь кандыцятне – ашти, кода карми топавтовомо духовно-нравственной трямось-кастомась. Ды те кандови аволь ансяк од ломантненень,” – тешкстась региононь Прявтось. Артём Здунов кирдизе семинариянь культурань покшчитнесэ Пушкинской картань тевс нолдамонь меленть.
Попечительской советэнтень совицятнень ламочись касы. Ней тесэ 28 ломанть – те региононь сех неявикс предприятиятнес ды компаниятнес совицятне. Течи Саранонь духовной семинариясо тонавтнить 200 ломанть. Тонавтнемань таркантень покш питне путыть лия регионсто абитуриенттнэ. Студенттнэ тонавтнить 3 программатнень коряс. Прявт таркасо – теологиясь. Теке марто, важодить квалификациянь кастомань курсат.