Призывникень чи. (День призывника) ЭРЗЯ

Рузаевкасо ютась «Призывникень чи» социально-патриотической акциясь. Республикань прявтнэ, общественной ды ветеранонь вейсэндявксонь ветицятне ёвтасть од ломантненень лембе валт. 137 призывникть маласо читнестэ кармить туеме служамо РФ-нь эрьва кодамо военной округтнес. Воинской специальностненень неть од ломантне кармить тонавтнеме Самарасо, Екатеринбургсо, Астраханской ды Ленинградской областнесэ. Исяк тонавтницят, а течи масторонь сэтьмечинь ванстыцят. Иень ютазь кудов велявтыть алкуксонь цёрат, конат, кеман, кочкасызь эрямосонть виде кинть. Мордовиянь од ломантне ютыть службаст Россиянь весе военной округтнесэ, но сех ламотне кармить служамо Центральнойсэнть. Республиканок ашти васенце таркасо военной службас призывниктнень саеманть коряс. Невтевксэсь — 80 процент. Од ломантне армияв молить паро мельсэ. Призывниктнень оршамопелень тюсось ашти войскатнень эйстэ. Сухопутнойтнень-пиже, воздушно-десантноень ды воздушно-космическойтнень-сэнь, военно-морской флотонь-раужо. Комплектэсь ашти 43 предметстэ. Од ломантненень ёвтасть лембе валт, шкастонзо велявтомс кудов, а офицертнэнень ды прапощиктненень максозель кармавтома ванстомс од цёратнень.