Поликлиникань одкстомтома (эрзя)
Ельникень буень поликлиникасо ютавтови покш одкстомтома. Важодемань покшолмась – пек неявикс. Одкстомтомань тевтнень арсеви прядомс 2025-це иень панжиковсто.
Даволковонь 1-це чистэ эсь тевень содыцятне ушодызь таштомозь конструкциятнень калавтоманть. Явозь ярмактнес полавтовить инженерэнь весе коммуникациятне, латось, кияксонь ды потолоконь вельтявкстнэ, вейкетстясызь стенатнень, нама, одкстомтсызь потмонть, путыть од вальмат ды кенкшт. Истяжо арсеви аламодо полавтомс икеленсень планонть. Саемга, арсеви теемс башка колмо совамо таркат, ютксост аякавиця пациентнэнь туртов пандус марто.
Медицинань лезкстеме велень эрицятне а кадовить. Прявт службатне – медицинань бойкасто максомань, паллиативень отделениясь ды чинь стационарось, конат икеле ульнесть поликлиникань кудосо, одкстомтомань шкас ютавтозь Ельникень пичксемань кудонь прявт корпусос.
Ды весе лия специалисттнэ поладыть лездамо ельникень велетнень эрицятненень: таркань 4 терапевттнэ, акушерэсь-гинекологось, онкологось, педиатрась, психотерапевтэсь, хирургось, окулистэсь, дерматологось, кардиологось, фтизиатрась, наркологось, кона вети приёмонть таргос весть, ды ковс весть эндокринологось.
Прявт корпуссо нурька шкас максозь 15 удома-таркас паллиативень отделениянть ало таркат, ды 30 ломаньс чинь стационар, конат важодить свал кавто полавтомасо. Кавто нупальть явозь бойкасто лезксэнь максоманть кис. Одкстомтомань шкас лабораториянть ютавтызь поликлиникань икелень кудос. Весе важоди икелень шкань коряс.