«Поиск» вейсэндявксонть од проектэзэ. (ЭРЗЯ)

Саранск ошсо «Поиск» вейсэндявксос совицятне  эсест прявтост марто топавтыть покш ды эрявикс тев. Маласо шкастонть нолдави од книга. Сон поладсы «Книга Памяти и Славы» сериянть, ансяк смустень коряс ули тунь лия. Проектэсь совавтови эрямос грантонть вельде, конань саизе Огарев лемсэ МГУ-нь экономикань факультетэнь тонавтницясь Мария Игонина «Инерка 2016» форумсонть. Книганть лангсо роботыть мемориальной музеень роботниктне, поисковиктне. Аволь весть сыненст савкшнось пшкалемс «Подвиг народа», «Память народа» ды «Мемориал» военной архивтнес, вастневемс боецтнэнь раськест марто. Бути васня муезельть 100 лемть, то ней уш эйстэдест 120. Од книгасонть кармить максозь весень лемест, сынст биографияст ды подвигтест а покш евтнема. Книгась нолдави электронной ды коневонь вариантсо. Карми питневтеме явозь школатнева ды библиотекатнева. Истяжо экземплярт максовить сеть солдаттнэнь раськест туртов, кинь лемест сермадозь изданиясонть. Пусмонь тиражозо карми ветесядт экзэмплярт. Эряви меремс, истямо проектэнь эрямос совавтомань коряс республиканок васенцетнень ютксо. Минденек мельга истямо тевс кундасть Ростов ёнкссо, Чувашия ды Марий Эл республикатнесэ.