Поэту Калинкину исполнилось бы 80 лет (ЭРЗЯ)

Иван Алексеевич  Калинкинэнь  лемезэ  содавикс  ламонень,  чачсь   содавикс   сёрмадыцясь   тёжа вейксэсядт колоньгемень   ветеце   иень аштемковонь  комсь колмовоце  чистэ Ульяновскоень Инза   ёнксонь  Чей велесэ.  Мокшэрзянь  литературас сась ведьгеменьце  иетнестэ. Касома    ки лангсо   сонензэ   сехте покш  нежекс ульнесть   мокшэрзянь   сермадыцятне. Зярдо тензэ топодсть ансяк кото иеть, войнав туи тетязо. Кода и ламонь се шкастонть эйкакшпоразо пицевсь войнань толсонть. Тежа вейксэсядт ниленьгемень колмоце иестэнть тетянзо эйстэ сы меельце сёрмась, шкань ютазь кандсть тенст конёв, ёмась кулявтомо.  Иван Алексеевичень васенце стихизэ лиссь тёжа вейксэсядт ведьгемень омбоце иестэнть «Советская Мордовия» газетасонть, ансяк аволь те шканть сон ловсь тиринь литературас совамокс, кода кортась поэтэсь, стихесь ульнесь пек витнезь. Истямо совамокс кармась « Почтальонка» стихотворениясь, кона лиссь «Сурань толт» журналсонь тёжа вексэсядт ведьгемень котоце иень васенце номерсэнть. Сисем иень перть Иван Алексеевич важодсь «Сятко» журналонь прявт редакторокс, мейле ульнесь кочказь ркспубликань сёрмадеень вейсэньдявксонь прявтокс, неть иетнень перть кастозельть ламо од сёрмадыцят. Иван Алексеевич кочксевсь Мордовиянь Верховной Советэнь депутатокс, казезель «Знак Почёта» орденсэ, сон яволявтозь Российской Федерациянь культурань заслуженной роботникекс, Мордовия Республикань Государственной премиянь лауреатокс, Мордовиянь народонь поэтэкс.