Поэтть В. Нестеровонь лувихнень мархта васедемась (МОКША)
Кирилловонь лемса библиотекаса поэтсь и журналистсь Владимир Нестеров уленди сидеста кода покодемать сюнеда, стане и творческяй илядь мархта. «Пефтома паксять моронза» аф кунара лисьф книгати сувасть поэтть стихонза, конат ашельхть лия сборникнень эса и од произведениянза. Васедемас сашендсть школаса тонафнихне, Нестеровонь творчестванц кельгиенза. Владимир Нестеров азондсь кочкафненди эсь творческяй кинц колга, лувсь мокшень и рузонь стихт. Камернай хоронь артисттне моразь морхнень, конатненди валхнень сёрмадозень смузю поэтсь. Ашесть ляда шири иттневок: синь лувозь Нестеровонь кой-кона произведениянзон. Владимир Нестеровонь творчествасонза оцю васта занци шачема ширети кельгомась. Стихонзон эса тяфта жа няфневи республиканьконь и марнек странать эряфоц. Аф стак поэтть ламоц произведениянза арасть сембонди кельгови морокс. Кирилловонь лемса библиотекаса васедемась казьсь поэзиянь кельгихненди цебярь мяльхть-арьсемат. А поэтти Владимир Нестеровонди макссь од вийхть сёрмадомс.