Поэтть В. Мишкинонь стихияц. (Стихия поэта В. Мишкина) МОКША

Творческяй илядьс пуромсть сят, кие кельгсы музыкать, машты эрь кодама музыкальнай инструментса морама. И эзк эряви азомс, сценать лангса кайгсть пцтай сембе моротне гитарать коряс. Ломаттне фкя мяленнят, етка пингснон етафнесазь марса эсь лацоннетнень мархта. Васетькшнихть, кеняртькшнихть фкя-фкянди, лятфнихть, мезе ульсь, анокт няфтемс и азондомс эсь творчестваснон колга. Кочксеви васедемась «Владимир Высоцкяень творчестванц кельгиенза» клубть вельде. Сидеста етафнихть вов тяфтама концертт. А тячиенннесь лемтьф поэтти Виктор Мишкинонди.
Кафта кизода инголе Рузаевкань поэтсь Петр Громов кочказень Виктор Мишкинонь сембе серматф произведениянзон. И арьсихть, што мувихть стама ломатть, кие лезды нолдамс тя книгать. Илядьса няфтезь эсь маштомашиснон кефкие морай. Сценать лангс и лисендсть сят, кинь мялец лятфтамс поэтть Виктор Мишкинонь, морамс сонь стихонзон лангс эсь ладяф мороть. Илядьс етась пяк лямбоста. Пуромфне пара мяльса кулхцондозь морайхне. Конешна, нят аф профессионалхт, тиезь эсь тевснон сценать лангса, кода маштсть. Ульсть и весяла, пеедьфти ракшкат, мезсь, нинге сяда пяк мозоптезе васедемать.