“Подвигень 900 чить” (эрзя)
Якшамковонь 24-це чистэ «Подвигень 900 чить» весе Россиянь акциянть лувсо, кона алтави Ине Отечествань войнань иетнестэ Ленинград ошонть лангсто блокадань каямонтень Изнямонь волонтёртнэ ды юнармеецтнэ Саран ошонь Ленинэнь буень администрациянть марто вейсэ ёвтасть лембе валт блокадань Ленинградонь эрицянтень Людмила Ивановна Кудюмованень.
Саран ошонь Ленинэнь буень администрациянь прявтось Владимир Пряхин казизе Людмила Ивановнань «В честь 80-летия полного освобождения Ленинграда от фашистской блокады» шнамонь тешкссэ ды ёвтась сюкпрянь валт откерьксчинть кис, конань вишка тейтернесь саизе блокадань Ленинградсо! Авась ёвтнесь од ломантненень вачочинь эйкакшпингеде, кудораськень ёмавтомадо ды ломантнеде, конатнень ульнесь покш мелест эрямонтень.
2024-це иень якшамковсто Людмила Ивановнанень топодсть 90 иеть, ды сонзэ покш кудораськезэ – эйкакшт, нуцькат, эйкакшонь нуцькат. Самай кудораськесь максы сонензэ эрямонтень вийть.