Подлеснай Тавласа «Этнопарконь» анокламась. («Этнопарк» в Подлесной Тавле) МОКША

Круглай шра ваксса кочкавсть Кочкуровскяй райононь и республикань вяре ащихне, культурань и общественнай организациянь покодихне и сят, кие пичеди Подлеснай Тавла велеть вандыень шинц инкса. Корхтамась мольсь «Этнопарк» площадкать квалма, конац футболть коряс Миронь чемпионатти кармай аноклаф и арай туристическяй и ваймамань вастокс. Тевда пяк лама, но и улихть ломатть, конат анокт лездомс ярмакса грантть вельде.
Подлеснай Тавлань экспериментальнай художественнай школать лемоц аф васенце киза ни кайги марнек Россияса. Тяза сашендыхть аф аньцек шабат тонафнема шуфтста керсема, но и лама инжи нльне омба масторста. Школань оцюнять Александр Гаушевонь ули мялец и сяда тов тонафтомс смузю иттнень, сяс и круглай шра ваксса корхтафоль школать вандыень шинц квалма.
«Этнопаркти» дизайнерскяй проект анокт тиемс Огаревонь лемса университетонь архитектурно-строительнай факультетонь студенттне эсь преподавательснон мархта. Эсь мяльснон-арьсемаснон синь няфтезь пуромксса кочкафненди.
«Этнопарксь» – тя ваймамань и туристическяй зона. Сявомок мяльс Саранскяйса ётафтови футболть коряс миронь чемпионатть, Подлесная Тавла велесь, кда сембось удалай тиемс, арай нинге фкя цебярь туристическяй маршрутка минь республикасонк.