Почтаса акциясь. (МОКША)
«Дерево добра» всероссийскяй почтовай акциясь ушедсь нинге тядде апрель ковста. Тяниень пингти республиканскяй социальнай учреждениятнень лемс сёрматф ни периодическяй изданиянь ниле сятта лама экземпляр. Койс коре, сёрматфтомась кучсеви идень куттненди, интернатненди и реабилитационнай центратненди. Од журналхне кизоть пенцты тяни кармайхть кучсевома Ардатовскяй, Темниковскяй и Шейн-Майданскяй школа-интернаттненди, а тяфта жа Рузаевскяй реабилитационнай центрав. Тяфтама казне тисть республиканскяй профсоюзонь, социальнай страхованиянь и пенсионнай фонттнень, ГИБДД-нь представительхне и синць почтань работникне. Акциянь инь отькорь участникне – УФСИН-онь коллективсь. Идень периодикать лангс сёрматфсть Мордовиянь кемсиземге колониянь сембе сотрудникне. Акциясь кармай молема июньть аделавоманцты. Примамс участия акцияса и каземс шабатненди журналхт и книгат ули кода Саранскяень почтамтса.