«Песняры» группась Саранскойсэль! (ЭРЗЯ)
Сырнень вайгельть ды алкуксонь музыкась вейсэндявсть вейс. Залось чопавты фолк-роконь атмосферас. Коллективесь, конантень 40де ламо иеть, васенцеде масторонь келес яволявтызе прянзо Франциясо содавикс фестивальсэ ещё ютазь пингень 70-це иетнестэ! Раськень моронь эстрадань обработка, моро вельде тиринь культурань ды эрямопингень ванстома! Коллективесь пек курок кармась улеме вечкевиксэкс ламонь туртов! «Лебедь» седейс токиця ды талновтыця композициясь-Владимир Мулявинэнь меельце тевкадовксозо. Казнекс «Песняры» группань шкинемань вечкицятненень. Моры сонзэ од солистэсь Андрей Еронин. Группасонть сон ансяк пель ие. Ашти каштанчисэ, мекс невти тиринь Беларусень культурань флагманонть масторонь келес. Весе моротне, конат гайгсть сцена лангсто, кирдезельть виев цяпамосо. Ваныцятне аволь ансяк кортнесть артистнэнь марто, но и вейсэ морсеть. 13 иеде теде икеле ансамблянь составсто явовсь пелькс ды ушодсь башка гастрольть. Лиссь вейке группань 2 составт. 2008 иень прядовомсто тагояк коллективесь явовсь. Зярыя музыкантт ней важодить «Лявоны» Фолк-группа» лементь ало. Леонид Борткевичень — «Песняры» алкуксонь группань ветицянть марто вейсэ, солистнэ ванстыть белорусонь раськень моронть, кенярдовтыть шкинемань вечкицяст кода содавикс моросо, истя и од шедеврасо.