Пертьпельксэнь ванстомга (эрзя)
2023-це иестэ «Виртнень ванстома» региононь теварсевксэнь «Экология» раськень проектэнь топавтомас явозельть 11 миллионт целковойть. Весе ярмактне кучозельть вирень вельмевтемань таркань келейгавтомас. Эряви тешкстамс, Мордовиясь вирень путомас материалтнэнь касты сонсь. Республикасо моли видьметнень пурнамонь коряс важодема.
Ютазь иестэ пурназельть пичень видьмень 365 килограммат, ютксост генетикань паролгавтозь ёнкс марто 50 килограммат. Кочказенть эйстэ кастозельть пичень ды тумонь видьметь. Республикасонок куншкакуросо важоди лембесэ кастомань комплекс, косо касовкстнэ кастовить панжадо ды пекстазь ундокс марто.
Чувтынетне путовить паломадо зыянонь кандыця ды керямодо мейле таркатнесэ. Раськень теварсевксэнть вельде Мордовиясь вирень вельмевтемань ды вирень сравтомань тарканть кастызе керязь ды ёмазь таркантень, ней те покшолмась 96, 3 процентт (планось топавтозь 124 процентс).