Пензенскяй аймаконь Козловка велеса няфтьфоль «Этношкола» проектсь (В селе Козловка Пензенской области прошла презентация проекта «Этношкола) МОКША
Финно-угорскяй народонь культурань Поволжскяй центрась марса Мордовиянь вузонь и ссузонь преподавательхнень мархта аф васенце кизось ни сувафнесы эряфс «Этоношкола» проектть. Ся аймакнень эса, коса эряйхть мокшет и эрзят, ётафневихть эрь кодама мастер-класст фольклорть, кштимать, кяльхненди тонафтомать коряс. Тяфтамкс мекольцекс ульсь Пензенскяй аймаконь Белинскяй райононь Козловка велесь.
Велеряйхнень мархта, конат кочкавсть Козловкань Культурань кудса пединститутонь, госуниверситетонь и смузю идень лицеень преподавательхне ётафтсть профориентационнай работа. Синь азондсть эсь учрежденияснон колга и серьгядезь иттнень поладомс тонафнемаснон Саранск ошса. Ульсть и казнет. Васедемать мазолгофтозе и весялгофтозе концертнай программась, конань аноклазь Огарёвонь лемса МГУ-нь национальнай культурань Институтонь студенттне.
Фольклорть коряс мастер-класса велень эряйхне касфтозь содамошиснон национальнай щамть, Мордовиянь содаф ломаттнень колга. Корхтамась мольсь коеньконь-обуцяньконь, историять квалма. Мокшэрзянь кштиматненди стирнятнень тонафтозь «Инелей» ансамбльти сувсихне. «Этношкола» межрегиональнай проектсь маластонь пингть поладсы работанц Пензенскяй областень лия районца.