Пенза ёнксонь Городищенской буень Вашилей велесэ ютась «Эряк, веле, эряк!» V фестивалесь (ЭРЗЯ)
Покшчись алтазь эрзянь раськень культурантень ды койтненень-кирдатненень. Сетнень туртов, кить умок тусть велестэ, те покш тувтал велявтомс тиринь ёнксов, а тесэнь эрицятненень – кортнемс ялгатнень марто ды мельспаросо ютавтомс шканть. «Ули меленек теемс истя – веленек касоволь-кепетевель ды ланганзо содавольть седе ламот. Кадык весе содыть минек покшчиде», – тешкстась фестивалень ютавтыцясь Николай Паршин. Коень коряс весе эрицятнень ды инжетнень каванизь эрзянь ярсамопельсэ. Рестасть тесэнь лейтнестэ кундазь калт, пидесть селянка. Эрзянь покшчись эрьва иестэ пурны 300-то ламо ломанть.