Пенсияв шкадо икеле туемадо (эрзя)

Мордовиясо ламо эйкакшонь триця 227 аватне 2023-це шкадо икеле лиссть пенсияв.
Кемекстазь иетнень апак учо пенсияв шкадо икеле лисемадо правась максозель вете ды седе ламо эйкакш марто 26 аватненень, 31 – ниле эйкакш марто, 170 – колмо эйкакш марто. Ледстятано, бути авась чачсь вете ды седе ламо эйкакшт, пенсиясь максови сонензэ 50 иесэ. Ниле эйкакшонь чачтыця авась, пенсияв шкадо икеле туи 56 иесэ, колмотнень – 57 иесэ. Шкадо икеле страховой пенсиясь максови аватненень, кить трить эйдекс саезь эйкакштнень.
Шкадо икеле ламо эйкакшонь триця аватненень пенсияв туемань шкань кемекстамокс ловови эйкакштнень эйстэ эрьванть 8 иес трямось, 15 иеть страховой стажонь ды 2024-це иестэ пенсиянь коэффециентэнь 28, 2 аволь седе вишкакс улемась. Аванть коряс илязт уле тетянь-авань правань кардамонь тевть ды эйдекс саезь вейкеяк эйкакшонь коряс полавтома. Теде башка, шкадо икеле пенсияв туемас права ули инвалидность марто эйкакшонь триця тетятнень-аватнень эйстэ вейкенть. Истямо тевсэ авантень пенсиясь максови 50 иесэ, бути ули 15 иесэ страховой стаж, а тетянтень – 55 иесэ, бути страховой стажозо 20 иеть. 2023-це иестэ те правась максозель Мордовиянь 352 эрицятненень.
Шкадо икеле пенсияв туемадо яволявтоманть мереви максомс госуслугань порталсо, Мордовия Республикава ОСФР-нь клиентэнь службатнесэ эли МФЦ-сэ. Бути тынк кадовсть кевкстемат, тыненк свал мереви максомс кевкстемат СФР-нь региононь куронь специалисттнэнень, 8 800 200 01 88 телефононть вельде гайгстазь (гайгстамось питневтеме).