«Парынза» морокуронтень максозь покш лем (эрзя)

Л.П. Кирюков лемсэ Саранонь музыкань училищасо ютавтозь МР-нь культурань, раськень политикань ды архивень тевень министерствань коллегиянь келейгавтозь промкссо яволявтсть — Покш Березникень буень Парынзэлень «Парынза» морокуронтень максозь «РФ-нь раськень шкинемань заслуженной морокуро» лемесь!
«Сияжар» куронок пельде ёвтатано седейшкавань поздоровт коллективентень. Арсетяно аватненень шумбрачи, уцяска, шкинемасо мелень кепедема! Морадо ды поладодо кенярдовтомо кунсолыцятнень
«Парынзасо» морыцятне минек программатнень свалшкань откерть. Неень шкане морокуронть марто вейсэ анокстатано покш теварсевкс, конанть вельде содавтсынек масторонок эрицятнень эрзятнень ды мокшотнень культуранть, койтнень-кирдатнень марто!