Пачтязельть партиянь важодемань цётамотне (эрзя)

«Единая Россия» партиянь невтевкстнэнь коряс, фронтонтень гуманитарной штабось пурнась 13 миллиардт целковойть. Штабонь кавто иень важодемань перть цётамотнень кортызь партиянь генсоветэнь Секретаренть Андрей Турчаконь марто промкссо.
«СВО-нь ушодкссто саезь «Единая Россия» региононь куротне пурнасть ды пачтясть од регионтнэс гуманитарной лезксэнь 110 тежат тоннат. Малав 13 миллиардт целковойть кучозельть ардомапелень, пилоттомо ливтнемапелень, сюлмавомань кедьёнкстнэнь, радиоэлектронной тюремань ды киведемань систематнень, тепловизортнэнь, минек ушмантнэнень оршамопелень рамасос», — тешкстызе Андрей Анатольевич.
Сон истяжо тешкстызе, што «Единая Россиясь» федеральной пичксема кудотнес шумбрачинь витемас ды реабилитацияс кучозельть Донбассонь, Новороссийскоень ды Белгородонь ёнксонь малав 2 тёжат эйкакшт. Гуманитарной миссиянь 2 иень важодемань перть Мордовиянь региононь курось Херсононь ёнксонь Каланчак буес ды Лисичанск ошов 38 кучокшнось гуманитарной лезкс.
«Каланчаконь муниципальной округонть лангсо республикась саизе шефстванть ютазь иень панжиковсто. Региононь партияс совицятне лездасть Белгород ошонь эрицятненень. Белгородсо эрицятненень кучозельть гуманитарной лезксэнь 4 тоннат: васняяк весе эрявицясь, ярсамопельть, эйкакштненень оршамопельть, ракшатненень андомапель», — ёвтнесь Мордовиянь региононь «Единая Россия» эсь олясо лездыцятнень куншкакуронь ветицясь Станислав Тиньгаев.