Отяжелень Козловка велесэ ютась вишка футболонь коряс республикань васенце пелькстамо. (ЭРЗЯ)

Весемезэ налксесть 8 командат. Пелькстамонь ютавтыцятне – «Агро-Атяшево» акционерной пекстазь вейсэндявксонь прявтось Александр Щемеров, Козловкань прявтось Василий Моторкин ды Козловкань тонавтнема кудонь прявтось Сергей Евдокимов. Весе сыцятне явозельть 2 курова. 1-це курос понгсть: «МВД», «Козловка», «Агро-Атяшево» ды «Эйкакшонь спортонь школа» командатне. 2-це куросонть пелькстасть «Сурвеле», «Большие Манадыши», «Отяжеле» ды «Андрейвеле». Васняяк весе явозтне эсь ютковаст ютавтсть колмонь-колмонь налксемат. Теде мейле 1-це куростонть полуфиналс лиссть «Эйкакшонь спортонь школась» ды «Агро-Атяшевась», 2-це куростонть истямокс кармасть «Отяжеле» ды «Сурвеле». 1-це полуфиналсо «Эйкакшонь спортонь школась» изнизе «Сурвеленть» 1:0 счётонть марто. 2-це полуфиналсо «Отяжелесь» стака налксемасо истя жо 1:0 изнизе «Агро-Атяшеванть». Осканть панизе Андрей Картыгин. Финалсо «Отяжелесь» ды «Эйкакшонь спортонь школась» налксемань перть изниця эзть ливте – 2:2. Пенальтинь коряс
1-це тарканть саизе «Отяжелесь». 3-це таркасо «Агро-Атяшевась», кона изнизе «Сурвеленть» – 9:2.

 

Комментарии

Комментариев нет.