Отяжбуесэ кочкизь сех виев футболистнэнь ды хоккеистнэнь. ( В Атяшеве выбрали лучших футболистов и хоккеистов) ЭРЗЯ
Од иень кенярксчитне тешкстазельть аволь ансяк культурань, но и спортонь мероприятиясо! Республикасо ютавтовсть эрьва-кодамо пелькстамот, конатнесэ ёрокчист невтизь кода региононок эрицятне, истя и инжетне. Саемга, Атяшевань районсо ве чистэ ютавтозель мини-футболонь коряс Мордовиянь Чемпионатонь Первенствань меельце тур ды эйкакшонь команда ютксо хоккеень коряс Роштувань турнир. Физкультурно-оздоровительной комплексэсь Отяжбуесэ панжозель 6 иеде теде икеле. Се шкастонть саезь, сон кармась улеме эрьва-кодамо пелькстамонь ютавтома таркакс ды спортсо од кадрань анокстамонь базакс. Александр Кондратьев – Атяшевань футболонь командань прявт тренерэсь кеми, футболонтень мельявомась налксицятнень ютксто ламотнень ветясынзе профессиональной спортс. Ютазь иень коряс, футболистнэнь результатост неявиксстэ кассть! Мини-футболонь коряс налксеманть ютавтома шкастонть Эень дворецсэ кочкасть хоккеень сех виев командатнень. Роштувань турнирэсь, кона тедиде ютавтовсь ветецеде, пурнась 100 ламо пелькстыцят. Мордовиянь, Ульяновской ды Нижегородской областень ушодыця хоккеистнэнь налксемаст мельга мелень путозь вансть покшчинь организатортнэ ды командатнень кисэ мелявтыцятне. Ёвтама, те пелькстамось лия ёнов а молиця, масторсонок аналогонзо арасть. Турнирэнь ютавтомадо мельмаксыцякс кармась улеме Ардатовань епархиясь. Явомс од ломантнень пельде седе ламо шка спортонтень, малавгавтомс эйкакштнэнь церьковантень – неть путовкстнэ лововить прявтокс ветявиця важодемасонть. Коень коряс, изницятненень, виев налксицятненень ламо казнеть, медальть, кубокт ды ламбамопельть. Тешкстама, турнирэнь цётамотнень коряс, омбоце тарканть саизь Отяжбуень хоккеистнэ.