Отяжбуень Сабанцелесэ ютась спортонь покшчи (ЭРЗЯ)
Сон алтазель 1983-це иестэ ютавтовиця шайба марто хоккеень налксемантень Сабанцелень ды Отяжелень командатнень ютксо. Покшчинь ютавтыцякс кармась Сабанцелень администрациясь. Те чистэнть ламо сыцятне мельспаросо вансть сень мельга, кода эсь велень цёратне налксесть хоккейсэ Отяжелень инжетнень каршо. Тонавтнема кудонь кортсо налксемась лиссь виев, ламо шайба марто. Ютавтовиця вастовомась прядовсь 6:4 счётонть марто. Изнясть Отяжелень налксицятне. Теке марто Мастянь таргонь прядовомантень анокстазель мельстуиця концерт. Морасть «Комолькай», «Лисьмапря» фольклоронь ансамблятне, Юлия Учеваткина ды Марина Сайгушкина тесэнь морыцятне. Аловелень инжетне морасть нурька морот. Весень туртов пидевсь тантей ям ды паневсть эрзянь пачалксеть. Прядовсть покшчись велень культурань кудосо. Тесэ ваныцятненень невтезель «Движение вверх» фильмась.