«Отрада» раськень моронь театрась. (ЭРЗЯ)
Ламонь туртов те коллективесь кармась улеме вечкевиксэкс. Неть читнестэ моронь театрась кенярдовтынзе Мордовиянь прявтошонь эрицятнень ды инжетнень покш концертс. Пурназель коллективесь 2012-це иестэ, ошонь культурань кудосонть. Кото иень перть морыцятне топавтыть вейке тев — ванстыть раськень культуранть. Те шканть перть ульнесть полавтовомат. Коллективенть пурныцякс ды васенце ветицякс ульнесь Анна Петровна Полшкова. Концертнэ кармасть учовиксэкс аволь ансяк Мордовиясо истя жо томбалеяк. Сынст репертуронтень совавтозь эрзянь, мокшонь, рузонь, казаконь ды лия раськень морот.
Иень перть «Отрада» раськень моронь театрась невти ёрокчинзэ и Россиянь регионтнэсэ, меельце истямо концертэсь ютась Крымсэ.
Неть од, ёроков ломантне ламо вий ды бажамот путыть эрьва концертэнть анокстамонтень. Валост коряс, пурнавшныть репетицияс малав эрьва чи, весемесь сень кисэ, штобу каземс ваныцятненень ансяк паро ёжомарямо.