Ошонь урядамось моли чить ды веть (эрзя)

Коммунальной службатне весе виень путозь урядыть Саран ошонь округонь куротнень. Муниципальной предприятиятнень важодемась моли кавто сменава, чинь ды вень перть. Ветицятненень ды механизатортнэнень, конат важодить веть, важодемань таркас пачтяви пси ярсамопель. Ютавтозь човароньсалонь човорявкссо сэдень весе сооружениятнень, пандоланготнень ды киулотнень почодомась.
Течи ошонть урядыть техникань 111 единицат. Башка мель магистралень куротненень, конатнева ютыть общественной транспортонь маршруттнэ, поликлиникатнес, школатнес, эйкакшонь кужотнес совамо ды общественной транспортонь лоткамо таркатненень. Ялго ютамо таркатне истяжо урядавить ардомапельсэ ошонь весе буетнесэ.
Кузтематне, общественной транспортонь лотксема, ялго ютамо таркатне весе буетнесэ урядавить муниципальной предприятиянь кедьсэ важодиця 156 ломантнень вийсэ. Кудотнень перькась– управляющей компаниятнень таркась. Прявт вешевксэсь – отмосткатнень ды подъезтнэс совамо таркатнень ванськавтомась, ялго ютамонь таркатнесэ нолажтомань анолдамось. Ошонь урядамось аволь ансяк ошонь службатнень тев, истяжо кудотнень ды сыненст кандовиця территориятненень собственниктнень.