Ошонь транспортонь коряс стакачить (эрзя)

Шкастонть, зярдо ломантне капшить, пачкодемс важодема эли тонавтнема таркасто — покш стакачи. Общественной ардомапельтнень лавшо важодемадонть сёрматнея-волявтоматне пештизь социальной сеттнень. Мейсэ тувталось? Ды зярдо учомс те тевсэнть паролгавтомат?
«Лоткамо таркасо аштетяно вейке чассто седе ламо! Весе маршруткатне пешксеть ды ардыть вакска! Важодемадо мейле кудов а ардоват!» — соцсеттне истят пеняцямотнеде пек ламо. Эрьва чи эрицятне кежейть важодемас аволь шкастонзо пачкодеманть кис. Ламосо чумось ловов пертьпельксэськак. Сонзэ кис ошонь эрицятне куватьс аштить килангсо. «Горэлектротранс» предприятиясо ветицятне ардтнить автобусонь 13 ды троллейбусонь 9 маршруттнэва. Весемезэ — 177 ускомапельть. Ней эйстэст килангсот — малав 80. Ошонь эрицятнестэ усксевить 50 процентт. Лия 50 процентт эрицятнень усксить частникть, конатнень марто тешкстазь договорт. Борис Боровой «Горэлектротрансонь» прявтось ёвтнесь, те иень ушодкссто саезь транспортось яки шкастонзо. Тень ланга весемесь ули ошонь кулянь интернет-куротнесэ.