Од тевть Зубова Полянань буесэ (эрзя)
Мордовиянь Правительствань Прявтось Дмитрий Поздняков течи ульнесь Зубова-Полянань буень депутатонь Советэнь 26-це сессиясонть, конань лувсо буень активенть ды депутаттнэнь марто кортызь кастомань икелепелев тевтнень, ваннызь стакачинь кевкстематнень ды муниципалитетсэ сынст витнемга китнень.
2023-це иестэ буесь невтссь розницасо миемань цётавкст, те 5, 5 миллиардт целковойть. Газонь ветямонь поладомань программанть лувсо буесэ газось нолдазель 281 кудос, а кинь хозяйствань отраслянь кастоманть лувсо панжозельть 7 объектт, сынст вейсэнь кувалмост 18, 743 вайгельбеть. Сессиясонть ваннозельть Умет посёлкасо оймсемань таркань теемадо кевкстематне. Прявт тевтнень ютксо «Точка роста» 8 куротнень панжомась ды «Тонавтома» раськень теварсевксэнть лувсо ютавтовиця «Цифровая образовательная среда» региононь теварсевкссэ, кона ютавтови 5 школатнесэ, улемась. Истяжо сыця иестэ муниципалитетсэ ушоды важодеме «Плайтерра» АО-нь компаниянь «Организация производства фенольной плёнки» инвестициянь проектэсь, конань лувсо панжовить важодемань 30 од таркат. Теварсевксэнь питнесь – 350 миллионт целковойть.
2024-це иень сундерьковсто прядови сыре ды лавшо шумбрачи марто ломантнень туртов Потьмань специальной филиалонь Ширингушинь кудонь-интернатонь одкстомтомась. Прядызь сессиянть важодемасо паро цётавкстнэнь ды ламо иень перть важодеманть кис активной эрицятнень каземасо. Истяжо тешкстазельть сеть, кие лезды специальной военной операциясо улицятненень лезксэнь пурнамосо.