Од ломанень од лаборатория (эрзя)

«Наука и университеты» раськень теварсевксэнть лувсо Мордовиянь Н.П. Огарёв лемсэ госуниверситетсэ панжови од ломанень лаборатория. Сонзэ панжомас вузонтень максовить 48 миллионт целковойть.
Од лабораториясо карми ветявомо томбавозь соматической ды верень сантнэнь одов арамос кондуидэнь ды гелень субстанциятнень технологиянь юртнэнь теемга тевс нолдамось. Лабораториянть панжсызь биотехнологиянь ды биологиянь факультетэнть юрсо, конасонть ули наукань те ёнксонть коряс ванномань топавтомга неень шкань ды пек питнев оборудования.
Коллективенть лувс, кона карми ютавтомо ванноматнень, совасть покш квалификация марто тонавтыцят. Н.П. Огарёв лемсэ МГУ-сь од ломанень лабораториянь панжомас изнинзе ярмактнень, мекс уш ней топавты пек покш теварсевкст. Саемга, прядовсь «Разработка функциональных материалов нового поколения на основе гидрогелей, аэрогелей и плёночных форм бактериальной целлюлозы» теварсевксэсь, конанть лангсо важодемась юты Индиянь Каттаяма ошонь Махатма Ганди Университетэнть марто вейсэ. Вана ней моли ксантанонь теемань технологиянть коряс теварсевксэнь топавтомась.
Истяжо коллективень квалификациясь, техникасо топавтомась, экспериментэнь ютавтомань ёрокчинь улемась лездыть кемекстамс, што путозесь тееви ды учовикс цётамотне кармить масторонь ванномань эскелькстнэнь коряваст. Мордовиянь госуниверситетсэ «Инженерия будущего» наукань-тонавтомань куншкакуронть лувсо уш ули од ломанень вейке «Молекулярные безметальные электрокатализаторы для водородной энергетики» лаборатория.