Од иень мазыйкатнеде (ЭРЗЯ)

Саранск ошсо ушодовсь од иентень кузонь ды пичень анокстамось. Закононь коряс те тевенть топавтыть аукционсо изницятне. Мордовиясо те иестэнть анокстыть 18 тежадо ламо пиже мазыйкат. Седе ламо ансяк Новосибирск ёнкссо – тосо малав 20 тежат. Анокстамонь вейке площадкасонть, сурвелесэ ульнесь минек съемочной группась. Ванькс кошт, чикордыця лов. Од пичинетнень юткова якамсто марят прят ёвкссо. Ансяк те а куватьс. Узерень вачкоемась яволявты операциянть ушодомадо. Виресь явозь зярыя кварталс. Тесэ ловозь эрьва чувтось. Участканть площадезэ а мереви покшолгавтомс керямонь планонть коряс. Роботанть мельга ваныть лесничествань сотрудниктне. Сынь несызь, кона пиченть эряви керямс, а конанть ванстома сы иес. Кузтнэнь ды пичетнень ванстомань коряс акциясь ледсти ломантненень эсь олясо керямонть а топавтомадо. Истятнэнь туртов ладязь административной штраф. Бути жо зыянось кандови 5 тежат целковойде ламос сынст учи уголовной ответственность.