Од иень кеняркчитне ютаст сэтьместэ! (ЭРЗЯ)
Мордовиянь правоохранительной органсо важодицятне ютавтозь службань кандомань виевгавтозь лувонтень. Теде яволявтсть республикань внутренней тевень министерствасо. Прявтошонь эрицятнень ды инжетнень сэтьмечист ванстомо кармить аволь ансяк сядот полицейскойть, но и Росгвардиянь региональной отделениянь представительть. Зыяндо ванстомань истят тевтне топавтовить а стяко. Самай од иень кенярксчитнестэ сеедьстэ лисить эрьва кодат закононь коламот. Полициянь сотрудниктне кармить ваномо сень мельга, штобу республиказонок а усковольть наркотикть, оружия, боеприпаст. Тень топавтомга куротнесэ виевгавтозь патрульно-постовой службань нарядтнэ, ДПС-нь подразделениятне ды Росгвардиянь сотрудниктне. Весе оперативной кулятне кармить пачтязь башка пурназь штабс, ков мереви пшкадемс ломантнененьгак, бути сынь неить вейсэнь таркасо кадозь пакет. Истя сынь лездыть кардамс террористической актт.