«Обучение служеньем» программась МГУ-со (эрзя)

2024-це иень якшамоковнь 31-це чистэ Н.П. Огарёв лемсэ МГУ-нь куросо ютась «Обучение служеньем» федеральной программань кастомань коряс весе Россиянь вастовома. «Обучение служеньем» – те тонавтомань лув, конанть пингстэ студенттнэ тонавтнить ды тень марто, социальной тевень топавтомсто совавтыть эсест профессиональной содамочист, кандыть лезэ ломантненень.
2023-це иень таштамковонь 2-це чистэ саезь Н.П. Огарёв лемсэ МГУ-сь теевсь содавтомань курокс, конась совавтызе программанть тонавтоманть лувс. Вастовомань прявт тевесь – «Обучение служеньем» федеральной программанть эрямос нолдамонть марто содавтомась, аволь коммерческой организациянь прявттнэнь университетэнь важодемас совавтомась, тёкш тонавтомань студенттнэнь ютксо проектэнь теемань компетенциятнень кастомась. Вастовомасо ульнесть НКО-нь представительть, кинь ули мелест важодемс те программасонть, тонавтомань шкасто студентэнь проекттнэнь тевс нолдамось.
Д.Е. Глушко университетэнь ректоронть шумбракстнемань валонь ёвтамодо ды «Росмолодёжь.Гранты» экспертэнь, психологиянь кафедрань доцентэнть Е.В. Кирдяшовань содавтомань лекциянь ловномадо мейле, пурнавозтне явовсть вете фокус-группава, косо содамочинь вейсэнь вийсэ топавтсь путовозенть, седе тов кемекстызь теварсевкстнэнь. Мордовиянь культурань волонтёронь командась арсизе налксемань ды интерактивень элементэнь тевс нолдамонь презентациянть, кона минек ёнксонь историянть ды культуранть марто содавтоманть вельде невти культурасо эсь олясо важодицятнень тевест. Те ульнесь вемельсэ арсицятнень вастовома – тонавтницятнень ды тонавтыцятнень, НКО-нь представительтнень ды эсь олясо важодицятнень – вейсэнь тевень ветямось конатнень – теемс масторонть седеяк вадрякс!