Обран ёнксонь Лукояновань буень эрзянь культурань музеентень -25 иеть! (ЭРЗЯ)
Мелесь пурнамс тиринь раськень куро сась артыцянтень Николай Аношкиннэнь. Обран ёнкссо –те вейкине истямо музей. Ловови раськень культурань прявт курокс. Ней сон- Лукояновань краеведениянь музеень филиал. Николай Аношкин раськень общественной вейсэндявкстнэнь ды ученойтнень марто вейсэ ламо иень перть пурнась эрзятнень культурадо, кельденть, койтнеде материалт. Неень шкане музейсэнть сядот экспонатт, конат невтить кезэрень раськенть эрямопингензэ. Музеень фондось явозь 3 пельксэв: «Этносонь эрямопинге», «Эрзянь содавикс ломантне», «Лукояновань буень велетнень эрямопингест». Музеень прявтось полады важодеманзо экспонаттнэнь ламочист сюпалгавтомга. Важоди «Раськень Валдо» невтема, конась алтазь эрзятнень пазтнэнень ды покшчитненень.