Нуянь Видязонь лиссь «Финно-угры в русском языке» этимологиянь валксось («Финно-угры в русском языке» под таким названием вышел этимологический словарь Нуянь Видяза) ЭРЗЯ

Аволь умок Саранскойсэ нолдазель «Финно-угры в русском языке» топонимо-этимологической валксось. Авторонзо Нуянь Видязонь туртов те кармась аволь васенце книга. Валксонть лангсо важодемась мольсь кемень иень перть. Нуянь Видяз-велень хозяйствань наукань кандидатось топавтызе важодеманть, конань эряволь бу теемс ученойтненень-кельсодыйтненень.  300 экзэмплярсо нолдазь валксось карми паро лездамопелекс финно-угорской, рузонь кельсодыйтненень ды весенень, кие бажи седе ламо содамс неть кельтнеде. Малав 3 тёжат валт совасть те валксонтень. Васняяк те се лексикась, кона сюпалгавтызе рузонь келенть. Эряви меремс, ученоесь ваннынзе ансяк маласо аштиця регионтнэнь. Бути жо ванномс истямо ладсо седе васолсетнень, арсян, тосояк рузонь кельсэнть муевельть ламо валт, конат этимологиянь коряс кармить финнэнь-угрань. Валксонть лангс рецензия сёрмадсь содавикс ученоесь, кельсодыесь Дмитрий Цыганкин. Эсензэ статьясо сон тешксты, што уралонь семиянь валтнэ совасть рузонь кельс, мазылгавтызь рузонь культуранть. Те валкссо весе пурназь материалось корты седе, што рузонь кортавкстнэсэ муевить эрзянь, мокшонь, финнэнь, карелэнь ды уралонь семиянь лия келень валтнэ. Меельцекс ули мелем ёвтамс, Нуянь Видязонь  те кевейкееце книгазо ды аволь меельце. Ученоенть мельсэнзэ нолдамс курок шкане ещё вейке. Ансяк салаваксчинть мезде сон карми, сёрмадыцясь тенек зярс эзизе панжо.