«Новая Лиса» Всероссийскяй фестивальсь кочказень Саранскяи инь цебярь кштимань коллектифнень марнек Россияста ( «Новая Лиса» Всероссийский фестиваль собрал лучшие танцевальные коллективы со всей России) МОКША

Тя фестивальть сонцень историяц. Сон ушеткшни 1998-це кизоста сявомок. Ся пингста пяльстомась кочксесь вийхть и келемкшнесь географияц. Вов ни нилеце кизось пуропневи «Новая Лиса» лем ала. Хореографияс коре инь цебярь коллектифне няфтезь маштомашиснон республиканскяй культурань Дворецса. Сценать лангса пуромфнень инголе няфтьфтольхть тяниень пингонь жанратнень и направлениятнень коряс путф кштиматне. Саранск ошу тядде кочксевсть Россиянь ламоц ошнень эзда колмогемоньда лама коллектив — марнек колма сятта лама участник. Минь аймакстонк сембонь еткса няфтевсть кемгафтува творческяй проект, ламонцне эздост Огаревонь лемса университетста. Жюриса ащесть и сембонь мяльге ванцть эсь тевса шарьхкоди хореографт, режиссёрхт. Мяльснон фестивальть колга азозь пресс-конференцияса, кона кочксевсь гала-концертта инголе. Конешна, мяльхне аф фкя лацот. Пялькстомать улихть кода вии, а стане и лафча ширенза. Пуромксса азовсь, што ламоц кштимань коллектифне, бта, тонафнесть фкя и сяка хореографнень эзда, кштиматне шарфнесть фкя-фкянь лангс и пяк малат. Но марнек фестивальсь удалась, участникне няфтсть оцю сатфкст. Фестивальть гала-концертоц арась афкуксонь праздникокс. Тяса няфтевсть инь цебярь постановкатне. Жюрись макссь тейст оцю питне. Сембе участникне тердевсть сценать лангс. Кундавсть лемсна инь маштыхнень, конатнень ёткса ульсть и Саранск ошень кштимань коллектифне. А гран-прить сявозь Москуста саф кштихне.