Неть читнестэ лиссь «Моя малая родина – Сабаево/Сурвеле» лем ало омбоце книга. (Вышла в свет вторая книга «Моя малая родина – Сабаево/Сурвеле» ) ЭРЗЯ

Сонзэ презентацияс пурнавкшность ламо ломанть, лиякс меремс сеть, кинь туртов книгань нолдамось кармась улеме покш ды учовиця казнекс. Сурвеледе омбоце книгась кармась улеме седеяк учовицякс! – тешкстыть презентацияс пурнавозтне. Покшчинть ушодомадонзо икеле весе сыцятне, васняяк, покш мельспаросо содавтовсть од пусмонть марто. Ламот, кить састь Кочкурбуень енкссто, аштить каштанчисэ истямо тевтопавтоманть кувалт. Сурвеледе омбоце книгась редявиксстэ явови васенценть эйстэ. Васняяк, тей совавтозь ламо топавтовкст. Статьятне, конатнень анокстызь Кочкуровань содавикс ломантне, сюпалгавтыть пусмонть, теить сонзэ седеяк мельсаицякс.

Покшчисэнть, кона алтавсь книгань нолдамонтень, тешкстазель се роботадонть, конань вети «Литова» эрзявань вейсэндявксонь прявтось. Раиса Щанкинань бажамонзо коряс, ансяк меельце 2 иетнень перть анокстазельть ды нолдазельть 4 книгат! Неень шкане те эрси аволь сеедьстэ. Ёвтама книганть лия ёнов а молемадонть. Велень эрицятнень лемест марто вейсэ тешкстазьть кудолемтнеяк!