Неень шкань образованиянь качествань ванкшномапельтнеде (Инструменты оценки качества образования) ЭРЗЯ
Неть читнестэ Новосибирск ошсо ютавтозель Весероссиянь образовательной совещания, косо кортазельть образованиянь качествань федеральной ванкшномапельтне. Мордовиянть те вастовомасо тешкстызь шнамонь конёвсо, кона максозель образованиясо покш ды домка роботань ветямонь кисэ. Федеральной ды региональной политикань приоритетнэнь ютксто васенце таркасо аштиця кевкстематнень ютксто ашти образованиянь качествань кепетемась. Штобу чарькодемс кодамо минек регионсо образованиянь качествась, эряви ютавтнемс эрьва кодат тестированият. Эйстэдест ней зярыя ды ламот тетятне-аватне а сеске чарькодьсызь сынст смустест. Неть процедуратне одт кода тонавтыцятнень, истя эйкакштнэнь ды сынст тетяст-аваст туртов. Образованиянь качествань национальной исследованиятне-те федеральной программа, конань вельде ванновить башка предметтнэ.
Аволь умок ошонь зярыя школатнева ваннозель образованиянь качествась информационной технологиятнень коряс 8 ды 9 класстнэнь ютксо. Омбоце инструментэкс, конань вельде ваннови образованиянь качествась-те Весероссиянь проверочной роботатне. Те иестэ саезь Весероссиянь проверочной роботатнень кармить сёрмадомо нилеце классо тонавтницятне. Те карми контрольной робота математикань ды диктант рузонь келень коряс. Неть роботатне кармить сёрмадовомо иес кавксть. 2020-це иентень весе класстнэ весе предметтнэнь коряс сёрмадсызь неть роботатнень. Мордовиясо нилеце ие ютавтнить мониторинг биологиянь коряс. Тонавтницятнень весе оценкатне улить региональной базасо. Образованиянь качествань ванномань колмоце инструментэкс кармить раськеютконь исследованиятне. Мордовиясь сови раськеютконь ассоциацияс, а неть ванкшноматне маласо шкасто минек регионсо кармить нолдавомо тевс.