Национальной политикань коряс министранть марто вастовома. (Встреча с министром по национальной политике) ЭРЗЯ
Неть читнестэ ютась вастовома МР-нь национальной политикань коряс министранть Анатолий Чушкинэнь ды «Мордовия» государственной телерадиокомпаниянь прявтонть Наталия Грановскаянь ютксо. Тувталокс кармасть зярыя темат. Те вастовомась ютась раськеютконь культурань чистэ. Кортамоськак мольсь Мордовиясо эриця ламо раськетнеде. Национальной политикань министерствасо ламо тееви, штобу республикасонок эриця ламо раськень ломантне марявлизь пряст теке кудосо. Тень кисэ ютавтневить ламо мероприятият, конатнесэ кортамось моли ламо раськень культурадост, ванкшносить сынст пельде максозь кевстематне. Сы иестэ «Сияжар» национальной редакциянтень топодить 25 иеть. Ламо ваныцятне редизь, кода меельце ковонть перть полавтовсть Сияжаронть ды Кулятотнень чачост. Теезельть од заставкат, появасть од рубрикат, ды целанек информациянь ды материалонь максомась ваныцятнень туртов тунь лиякстомс. Тевесь сеньсэ, што компаниянь прявтонть покш кемема национальной редакциянть лангс. Секскак меельце шкасто ламо тень туртов тееви. Курок шкане телевидениясо минек редакциянть лувсо карми лиснеме татаронь кельсэ передача. Ней моли сонзэ эйс сюжетэнь анокстамось. Теде башка «Мордовия» ГТРК-нь сайтсэ путневить редакциянь сех вадря сюжеттнэ.