Национальной культурань институтонтень 25 иеть! (Институту национальной культуры 25 лет!) ЭРЗЯ
Национальной культурань институтось ловови виевтнень эйстэ вейкекс. 1991 иестэнть ульнесь панжозь национальной культурань факультетэсь, реорганизациядо мейле, 2006-це иестэнть сон теевсь Институтокс. Те иестэнть тонавтнема таркась тешксты покш дата -25-те иеть. Самай тесэ кастыть культурантень ды искусствантень мельявиця специалистт. Финнэнь-угрань раськетнень койтнень кирдатнень ванстомась ды вельмевтемась лововить прявт тевтопавтомакс институтонть икеле.
Студентнэнь тесэ тонавтыть ламо ёнксонь коряс. Образовательной программатненень совавтовить курсат, саемга, те – «Финно-угорская мифология», «История национального костюма», «История и культура финно-угорских народов», «Этноорнаменты», «Фолк-танец» ды ламо лият. Институтонть выпускниктне -дизайнерт, рекламань коряс специалистт, хореографт, библиотекарть, дирижёрт, автоматизированной информационной ресурсань технологт. Теде башка тесэнь студентнэ свал невтить пряст эрьва кодамо пелькстамосо, покшчитнесэ, конатне ютавтовить кода Мордовиясо, истя жо томбалеяк. Факультетсэнть свал бажить кепетемс образовательной стандартнэнь, тевс нолдыть од технологият, конатне, нама, кандыть седеяк ламо лезэ важодемасонть. Покш питне путови финнэнь-угрань культурань научно-исследовательской лабораториянтень, институтонь конференц-залсонть свал ютавтовить видеотрансляцият, мерема, весе неть таркатне теезь од вешематнень коряс. Кеме сюлмавомат институтось кирди Австралиянь, Германиянь, Марий Элэнь, Венгриянь, Финляндиянь университетнэнь ды научно-просветительской центратнень марто. Содазь, покшчистэнть ламо казнеть ды паро валт. Залсонть – инжеть, студентт, институтонь важодицят. Ламотненень эйстэст парсте важодеманть кисэ максозь Мордовиянь Прявтонь Благодарность ды МР-нь Госсобраниянь шнамонь конёвт.