Национальнай драматическяй театрань актерхне няфтьсазь иттненди «Волшебная сказка Деда Мороза» постановкать (Актеры национального драматического театра покажут детям постановку «Волшебная сказка Деда Мороза») МОКША

Мокшэрзянь национальнай драматическяй театрань актёрхне эрь кизоня аноклайхть шабатненди мезе-бди одня. «Волшебная сказка Деда Мороза» постановкати сценарийть сёрмадозе Екатерина Исайчева, сявомок мяльс Андерсенонь ёфксонц. Артисттне надияйхть, што иттненди туй мялезост синь работасна. Вдь ёмла ванысь сяда лац няйсы семботь, седизонза илась сувай кода ару кожфкя.
«Волшебная сказка Деда Мороза» постановкать васенце задачац – каземс иттненди цебярь мяльхть-арьсемат. Вдь эрь шабась Од кизонь карша учи кодамовок ёфкс. Сяс актёрхне сембе вийснон путнесазь сянди, штоба дивандафтомс ёмла ваныхнень. Аноклавихть костюпт, эрь кодама декорацият, молихть репетицият.