«Наставничество» проектсь панчсы од сезонтть (мокша)
«Монь Мордовиязе» экспертнай клубть эзда кадровай оцю программась максси ни цебярь сатфкст. Кадровай оцю проектсь мзярошка киза максси регионца промышленнай производстваса покодихть. Программась панчси студенттненди кит предприятиятненди и госучреждениятненди. Эрь участникть мельге кемокстаф тонафты, кона лезды содафтомс профессиять сембе ширензон мархта. Тяфта валом-валом тиеви кадровай резерв. Покодемать аф сатоманц пяшкодькшнесы прявкс вагонопроизводительсь. Опытонь максомась тяса кунара ладяф. Аф фкя лацонь стратегиясь лезды кода тонфтыхненди, стане и тонфнихненди. Ётай кизонь итокнень коряс проектса примасть участия 39 тонафтыхть и 101 тонафни. 12 студентт ётазь производственнай практикать, нинге вейхксотненди максфольхть покодемань вастт. Классическяй направлениятнень башка, покодсть специальносттнень коряс проектнай колма дисциплинат. Арьсесть «Аф пельксонь пандомаса» онлайн-саламань профилактикань мерат, тонафнесть вятемс дронть эса «Агродронца» и цебярьготфнезь клиническяй мышленияснон «Медики» программаса. Поладови эрь кодама мерань мархта региональнай кадровай стратегиянь тиемась. Тя сезонтть одняц — медикнень тонафтомаснонды срхкайхть сотомс и лия масторонь студенттнень. Стане жа опытть и содамошитнень кармайхть фкя-фкянди макссема покодемань династиятне, конатненди лемтьф тя кизось. Оксана Трибушина сувси 140 стажень мархта семьяти. Васедемать аделамаста проектонь участникненди максфольхть региональнай казнет.