Нармунень Иентень (эрзя)
Течи «Заповедная Мордовия» ФГБУ-нь важодицятне «МОБУ «Рождественская СОШ» покш классонь тонавтницятнень туртов «Смольный» визит-куросо ютавтсть экологиянь тонавкс. Нармунень ванстомань Россиянь вейсэндявксось, ушодовозь 2024-це иенть, кемекстызе кичань Иекс. Те нармунесь невти бойкачи, шаштомачи ды вейсэнь тевень топавтома. Кочказь нармунесь тееви пертьпельксэнь ванстомань важодемань тешксэкс, сонзэ кувалт ютавтыть ванномат, сравтовить информациянь конёвт ды плакатт, ютавтовить эйкакшонь артовксонь пелькстамот ды лия мезе. Кортамосто эйкакштне кармасть содамо: мезде ярсы кичась, башка ёнксонзо, кинь эйстэ сонензэ эряви пелемс ды кода мартонзо сюлмазь «Чижик-Пыжик» морынесь. Тонавксонь прядовомсто эйкакштне ваннызь фотолофушкатнестэ видеотнень ды этномологиянь невтеманть.