МВД-нь дежурной частень 100 иень топодемантень. (ЭРЗЯ)
Васенце дежурной частне МВД-нь системасо пурназельть сядо иеть теде икеле. Сестэ неть тевтнень топавтсть участковойтне ды уголовной розыскень важодицятне. Ней дежурной частесь – те полициянь подразделения, конась топавты управлениясо уголовной тевень шкастонзо ванкшноматнень. Важодемась тесэ моли неень шкань вешематнень коряс, покш лезэ теньсэ максыть региононь кирдивийтне.
Те тей сыть гайневтематне эрицятнень пельде, конатнень марто лиссь кажов тев. Полицейскоесь, кона ашти телефононть икеле – те ломань, конань эйстэ сёпомс мезяк а эряви. Дежурной частесь – МВД-нь подразделениянь седеезэ, косо моли полициянь координациясь. Ютазь иетнень перть важодицятнень тевсэ арасельть покш полавтомат. Анатолий Новиков важодсь тесэ кавксо иеть. Кенярдозь вастови коллеганзо марто.
Течинь минек героесь паро мельсэ ютась икелень важодемань таркань коридортнэва, вастовсь ялганзо марто. Дежурной частень важодицятнень профессионализмаст, виде тевтопавтомаст эйстэ ашти минек эрицятнень шумбрачист, эрямост. Правоохранительной органтнэсэ важодицятнень тевест аволь шождатнень эйстэ.
Дежурной частень сотрудниктне важодить чинь перть. Тесэ эрьва сменась лия ёнов а молиця. Оймсемань ды покшчитнестэ дежурноень важодемась касы малав кавксть. Покш лезэ те подразделениясо важодемасонть максыть неень шкань технологиятне. Сынстемест улевель бу пек стака. Таго зярдо ульнесть ансяк телетайпт, ней куротнева понгавтнезь камерат, важодицятнень икеле компьютерт.
Аволь весе цидярдыть истямо таркасо, косо эрьва гайневтеманть лангс эряви муемс каршо вал, маштомс максомо лезэ. Обуцянь коряскак эрявить нардевть, сеске чарькодицят.
А стувтнесызь тесэ эсест ветераност. МВД-нь дежурной частень сядо иень топодемантень ютавтозель покшчи. Сех вадря важодицятне, ветерантнэ казезельть орденсэ, шнамонь конёвсо.