Муевсь покш долк (эрзя)
Судонь кармавтоманть вельде Росприроднадзоронтень Саран ошонь коммунальной хозяйствань ды благоустройствань Дирекциянть лангсто пандоматнень коряс недоимкатнень ды пертьпельксэнтень зыянонь кандоманть кис саевить 55 миллиондо ламо целковойть. Кода тешкстави ведомствань информациясонть, коммунальной калгодо шукшонь ошонь полигононть тевс нолдамонть кис предприятиянь долкозо таштавсь 2021-це иенть цётамга. Пертьпельксэнтень зыянонь кандомань кис пандомадо максозь декларациянть коряс бюджетс пандомань покшолмась улиндеряволь 68 миллионт 300 тёжат целковойде ламо. Уликсчинь коряс пандозельть 12 миллионт 800 тёжат целковойде цють седе ламо. Пертьпельксэнтень зыянонь кандоманть кис пандоматнень максомань тевесь кемекстазь закононть вельде. Коммунальной хозяйствань ды паролгавтомань Дирекциясь сонзэ эзизе топавто. Те уликсчись кемекстазель Мордовия Республикань Арбитражонь судсо тевень ванномсто.