МР-со Россиянь Пенсионной фондось ютавты лезксэнь максомань акция (ПФР по РМ проводит благотворительную акцию) ЭРЗЯ

Налкшкеть, книгат, туворлангонь налксемат! Мордовиясо   топавтови эрямос «Праздник детства с Пенсионным фондом России» благотворительной акциясь. «Чипайне» социально-реабилитационной центрань трявкстнэнень васенцекс пачтязельть казнетне. А стяко акциянь ушодомань таркакс кармась улеме самай те центрась. 34 эйкакшт республикань 5 районтнэстэ –эрьва-кодамо пелькстамонь, фестивалень участникть. «Чипайне» центрас понгиця эйдетне, конатненень савкшны печтямс эрямонь стакачить, зярыя шкас стувтнить весе апародонть. 3 иестэ саезь 18-вос эйкакштнэ, теке вейкине кудораське! Сынь кенярдыть изнявкстнэнень, ацирьгалить пиштевкстнэнь кувалт. Вейсэнь концертэсь, кона анокстазель инжетнень туртов, киньгак эзь кадо мельтеме. Чарькодеви, эйкакштнэнь туртов сех покш казнекс кармасть улеме налкшкетне, книгатне, содамочинь кепетиця налксематне. Лиякс меремс, весемесь се, мезе касты церынетнесэ ды тейтернетнесэ шкинемантень мельявоманть. Эзть кадово казневтеме акциянь организатортнэяк. Сувенирэсь, конань анокстызь центрань трявкстнэ, кадови Россиянь Пенсионной фондонтень 25 иень тешкстамга вастовомань прявт символокс. Реабилитационной центрадо башка, акциянь арсицятне кармить ютавтовомо вастовомат республикань ламо эйкакшонь триця ды   кажовсто эриця кудораськетнень марто.