МР-нь сёрмадыцянь вейсэндявксос совицятне тешкстызь рузонь келень чинть. (ЭРЗЯ)
Сонзэ кедьсэ сёрмадозь произведениятнень марто минь теевтяно содавиксэкс вишка пингестэ саезь. Эрямонь перть кирдьсынек мельсэ ёвксонзо, поэманзо, прозанзо. Меельцэ иетнестэ МР-нь сёрмадыцянь вейсэндявксось рузонь келень чистэ, кона тешкстави сёрмадыцянть А. Пушкинэнь чачома чистэнзэ, ютавтни литературань чокшнеть. Аволь покш видеопрезентация Саранскоень таркатнеде, конат кантнить содавикс сёрмадыцянть лемензэ ды сценанть лангсо гайгезевсть стихензэ. Целанек вавтовомась анокстазель истя, штобу эрьва выставкасонть редяволь сёрмадыцянть шкинемазо. Эрьва сёрмадыцясь вастневсь Пушкинэнь шкинеманзо марто. Улить истяткак, конат сонзэ стихень, прозань ловномадо мейле сынсь кармасть содавикс сёрмадыцякс. Сцена лангсто гайсть поэтэнть произведениясто саевкст, Мордовиянь сермадыцятне ловность эсест стихест. Целанек вастовомась ютась лембестэ, мельявовиксстэ.