МР-нь национальной политикань министерстванть пингстэ важодиця межнациональной ды межконфессиональной тевень коряс экспертно-консультативной советэсь ютавтсь промкс. (Общественный совет при министерстве по национальной политике РМ и Экспертно-консультативный совет по межнациональным и межконфессиональным отношениям провели расширенное заседание) ЭРЗЯ
2016-це иень Государственнной собраниянтень кучомасонзо Республикань прявтось башка мель явсь межнациональной ды межконфессиональной кевкстематненень. Тевень топавтомга национальной политикань коряс министерствась ды лездыця ведомстватне ютавтсть промкс, косо ваннозельть кучомасо кепсевиця кевкстематне ды аволь коммерческой организациятнень социально-ориентированной проектной тевень ветямось. Республикасонок государственной национальной политикань тевень ветямосо приоритетэкс меельце иетнестэ ашти этностнэнь ютксо ояксчинь кирдемась. Мордовиясо тееви весе, штобу эрьва раськень ломантне эрявольть республикасонок теке кудосо. Тесэ сынст а кардыть, а лепштить. Покш тев тень коряс ветить общественной организациятне. Сынь ютавтнить эрьва кодат акцият, мероприятият, анокстыть ды идить проектт. Эсь кучомасонзо Республикань Прявтось Владимир Волков покш смусть явсь вейсэндямонь темантень. Те вейсэньчись макссь вийть изнямс Ине Отечественной войнасо. Теде кортасть экспертно-консультативной советс совицятне. Кевкстематнень ванномадо мейле советэсь прась мельс – национальной политикань министерствантень эряви седе товгак лездамс республикань общественной организациятненень, свалшкане ютавтомс мероприятият, конатнесэ кармить топавтовомо Кучомасо тешкставиця кортамотне. Теде башка а эряви стувтнемс «Мордовиясо улиця конфессиятнень ютксо ояксчисэ эрямонь» программанть, кона тевс нолдави 2014-це иестэ саезь 2020-це иес.