«МР-нь наноматериалонь и нанотехнологиянь центрань» ученайхне пачфтсть од проектснон колга (Ученые «Центра нанотехнологий и наноматериалов РМ» рассказали о передовых проектах) МОКША

Тиемс семботь эсь кядьса, аф ваномс омба масторонь производительхнень лангс и молемс синдедост инголе инновационнай технологиятнень тевс нолдамаснон коряс — тя ся задачатне, конатнень инголест путнесазь Ня шитнень синь азондозь, кона проекттне сувафтовихть эряфс ня шитнень – мзярда васенце вастса ащи импортозамещениясь.
Силовой преобразовательнай техникась, эрь кодама оборудования промышленнай предприятиятнень оборудованияснон аруяфтомс и печатнай электроникась – тя ся проекттне, конатнень продукциясна путови каршек омба масторонь производительхнень тифснонды. Кепотьксонди, российскяй инверторхне, конат тифт од материалхнень – кремниень карбидть вельде – сяда цебярьхть импортнайхнень коряс сембе ширде, а мезсь инь главнайсь – синь аф сяда питнихть.
Печатнай электроникась – тя фкя инь курокста вииякшни технологиясь. Сонь вельденза тиевихть мянцеви светильникт, печатлави активнай электроника и эрь кодама сенсорхт кагод и полиэтилен лангс.
«Мордовия Республикань наноматериалонь и нанотехнологиянь центрань» разработкатне фалу ашихть васенце вастса минь странасонк. Кой-кона проекттнень синь тиисна сувафтозь эряфс ни и получайхть тянкса ярмакт. Кепотьксонди азома «Зеленая химия» или «Нанодетонация» методть. Кой-кона промышленнай предприятиятне шарфтсть лангозонза оцю мяль.
Тя центрась Мордовияса кочкафоль 2012-це кизоня. Фкя кизоста тоса покоди ученайхне сувафнихть эряфс кеветиень инновационнай проектт, конатне арсихть сяськикс эрь кодама международнай выставкатнень эса. Учсеви, што тядде мокшэрзянь центрать разработканзонды инвесторхне максыхть вете сятт миллион цалковай.