Москуса етась «Мордовское землячество» организациять пуромксоц (В Москве прошло собрание «Мордовского землячества») МОКША

Плехановонь лемса Российскяй экономическяй университетсь арась вастокс, коса ётафневихть «Мордовское землячество» организациять пуромксонза. Кафта тёжянь кефкиеце кизоня ректорть Виктор Гришинонь кочказь организацияти оцюнякс. Вов ни ниле кизот сон пуропнесыне марса ломаттнень, конатнень эряфонь кисна-янцна, юрсна сотфт Мордовиять мархта.
Тя пингста «Мордовское землячество» организациясь ётафтсь кафта сяда ведьгемоньда лама эрь кодама илада. Концертт, выставкат, спортивнай пялькстомат и лама мезе лия. Тяфта жа организацияв сувсихне лездсть Донбасонь эряйхненди.
Конференциясь поладовсь университетть актовай залсонза «Марса виихтяма» иласа. Эряви азомс, «Мордовское землячество» организацияти оцюнякс лядсь Виктор Гришин. Лама эрь кодама тевда организациять инголе ащи маластонь пингть. Васенцетне эздост: мокшэрзянь подворьять, конац кармай улема духовно-просветительскяй центракс столицаса эряй мокшетненди и эрзятненди, Кирилл и Мефодиень лемса храмть Москуса строямасна.