Мордовиясто тонавтыцятне невтьсызь республиканть Классонь ветицянь Россиянь VI-це форумсо (эрзя)
Покш промксось юты Московсо «Россия» раськень куншкакуросо таштамковонь 30-це чистэ саезь ожоковонь 2-це чис. Тов понгицятне ютасть стака кочкамонь пачк – масторонок эрьва кодамо ёнкссто тонавтыцятне кучсть 43000-до ламо яволявтомат. Весемезэ кочказь малав 1000 тонавтыцят. Эйстэст классонь 700 ветицят ды средней профессиональной тонавтомасо кураторт, школань 300 прявтт. Мордовиясто форумонтень понгсть Наталья Вольнова Рузаевкань 8-це школасто музыкань тонавтыцясь, Наталья Ежова Ковылкинань 1-це гимназиясто географиянь тонавтыцясь ды Елена Масанова Рузаевкань 5-це школасто педагогось-психологось. Тешкстама, форумось ютавтови Россиянь Президентэнть кармавтоманзо коряс.