Мордовиясо ярсамопелень паргось аволь питней! (ЭРЗЯ)
Панжиковонь меельце читнес Росстатось анокстась масторонь регионтнэсэ ярсамопелень паргонь рейтинг. Мордовиясь совась колмо сех аволь питнейтнень юткс, тесэ сонзэ питнезэ – 3 302 целковойть, 10 трешникть. Регионсонок алкине питнетнень ванстомантень лезды АПК-нть виев касомазо. Башка тарка саить ютавтовиця ярмункатне, косо ярсамопельтнень кисэ питнесь седе вишкине, миемань лия таркатнень коряс. Кода тешкстась республикань Прявтонь тевень топавтыцясь Владимир Волков, регионось седе товгак карми кемекстамо эрямонь те лувонть. Ярсамопельтнень питнесь карми кирдевеме. Ярсамопелень паргонь кисэ сех алкине питнесь Белгород енкссо – 3 194 целковойть. Омбоце таркасо Саратовань енксось, тосо питнесь 3 294 целковойть. Сех питней ярсамопелень паргось Чукоткасо, Магадансо, Якутиясо, Камчаткасо ды Сахалинсэ. Среднейкс Россиянь келес ярсамопелень паргонть питнезэ 4 036 целковойть.