Мордовиясо стявтовить эйдень кужот. (ЭРЗЯ)
5 иень перть, зярс роботы «Модернизация дошкольного образования» федеральной программась, Мордовиясо витнесть, тейсть реконструкция, одс стявтсть 52 эйдень кужот, кода районтнэсэ, истя и Саранск ошсояк. Ней кеместэ можна меремс, республикань весе эйкакштнэнь, кинень 3 иестэ 7-с улить таркаст эйдень кужотнесэ. Россиянь программась прядовсь, но Мордовиясо поладыть кужонь витнеме ды одонь стявтомо. Федеральной бюджетстэ школадо икелень учреждениятнесэ од таркань панжомас явозельть 866 миллион целковойть плюс республиканьсестэнть еще 834 миллионт. Ды бути федеральной программась прядовсь 2016-це иень ацамковсто, то Мордовиясо сон нейгак поладови. Региононь прявтонть кармавтоманзо коряс регионсонть явозь еще 30 кужот, косо эряви теемс витнемат, ютавтомс реконструкция, а лиятнень одс стявтомс. Торбеевасо маласо шкастонть карми од, 250 таркас кужо, Орданьбуесэ – 240 таркас. Саранск ошсо маласо шкастонть панжовить еще кавто развитиянь центрат. Карми стявтозь эйкакшонь кужо и Левженский поселкасонть.