Мордовияса етась «Россиясь-минь марстонь кудоньке» од ломанень Межрегиональнай форумсь (В Мордовии прошел Межрегиональный молодежный форум «Россия-наш общий дом») МОКША
14 декабрьста сявомок 17-ти молемс Мордовияса етась «Россиясь-минь марстонь кудоньке» од ломанень Межрегиональнай форумсь. Етафтоманц колга мяль азсь Республикаса мусульманонь Центральнай духовнай управлениясь. Азома ся, што илась кочкавсь-пуроптовсь Президентскяй грантть лангс. Кода ладямс соткснень эрь кодама конфессиянь од ломаттнень еткса – тянь лангс шарфтфоль мяль пуромксса,конац етафтфоль «Мордовия» спорткомплексса.
Азома ся, што форумть пингста етафтовсть васедемат, круглай шра вакст, народнай творчествань коряс мастер-класст. Оцюдонга оцю мяль тячиень шить, организаторхнень мяльснон коряс, шарфтома од ломаттнень лангс. Мордовияса эрь кодама конфессиянь од ломаттнень еткса ладяфт цебярь соткст. Минь аймаконьке-кепотькс сянь ширде,кода лама национальностень ломаттне ладязь и шарьхкодезь эряйхть марса и етксост аш кодамок сялондомат.
Тя форумсь 2015 кизоня етафтовсь ни Пензаса, Казаньца и Самараса. Кода няфтезь мекольце исследованиятне, Мордовиясь национальнай политикать цебярьста эряфс сувафтоманц коряс Россиянь сембе аймакнень еткста ащи омбоце вастса. И кода азфоль пуромксса, оцю ролец тя ширеса «Гармонизация межнациональных отношений» программать, конац сувафтови эряфс Мордовияса 2014-це кизоста сявомок.